कमिलाको घर (बालकविता)
 |
| रमेशचन्द्र घिमिरे |
न त छानो ढलानको
न त टिन छ खर
ओढार छ माटाको
कमिलाको घर
हावा, पानी, हुरीको
छैन केहीको डर
बलियो र दरिलो
कमिलाको घर
धर्का बनाई लर्काको
हिँड्छन् सरासर
फर्कने ठाउँ उही हो
कमिलाको घर
भेदभाव गर्नलाई
छैन जात र थर
सिकाउँछ मित्रता
कमिलाको घर
हेरी दङ्ग पर्दछन्
पीपलु र वर
हाम्रोभन्दा राम्रो छ
कमिलाको घर ।
••••
भोर्लेटार, लमजुङ (२०७७/०३/२४)
(Photo Credit : Sharmila Karki)
No comments:
Post a Comment