 |
| - रमेशचन्द्र घिमिरे |
माल्दाम्लो नि चाहिएन गोरु खोज्न परेन
गोबर माटो भिजाई खलो पोत्न परेन
केलाई टन्टो बिसाउनु हाइसन्चो भा´को छ
खलो तास्न लाइएन मियो ल्याउन परेन
दयेँरालाई खट्टे भट्ट खाजा ख्वाउन परेन
जति खानु मेसिनले आफू एक्लै खा´को छ
दाइँ हाल्न भनेर खेतमै मिसिन आ´को छ
सफा पारी सर्लक्क धान उँधो बुरुरु
ढुटी माटी पारेर पराल उँभो फुरुरु
सानो भाइलाई यो देखी अचम्म पो ला´को छ
दाइँ हाल्न भनेर खेतमै मिसिन आ´को छ
आज दाइँ हो भनेर राति उठ्न नपर्ने
थेचारेर ढुङ्गामा धान चुट्न नपर्ने
बत्ताउने नाङ्लाको पालो अब गा´को छ
दाइँ हाल्न भनेर खेतमै मिसिन आ´को छ
भोर्लेटार, लमजुङ
(२०७६/०७/२३)
No comments:
Post a Comment