`स्यानी´ भन्ने नामले
डाकिन् सानी आमाले
`अम्बा खोज डालीमा
राख अनि थालीमा´
अन्तर-कुन्तर केलाइछन्
मनमा कुरा खेलाइछन्
`अम्बा भए डालीमा
ल्याउँथेँ मैले थालीमा´
`राम्रोसँग सोचे है !
बाहिर गई खोजे है !
पक्कै छ त्यो डालीमा
टिपी ल्याऊ थालीमा´
काकीको यो बानीले
दिक्क मानिन् नानीले
`भएदेखि डालीमा
ल्याउँथिनँ र थालीमा ?´
करेसामा गइछन्
बल्ल खुसी भइछन्
रै´छ रूखको डालीमा
टिपी ल्याइन् थालीमा ।
- भोर्लेटार, लमजुङ
२०७६/०४/२६
No comments:
Post a Comment