बन्दिपुरको सम्झनाले ... गीतिकविता

बन्दिपुरको सम्झनाले ...   गीतिकविता

               - रमेशचन्द्र घिमिरे, लमजुङ

कुहिराको घुम्टो ओढी मान्थ्यौ तिमी लाज
बन्दिपुरको सम्झनाले सताउँदै छ आज

गुरुङ्चेको डाँडाबाट तिमीलाई देखेँ

थानीमाईमा बसी जब यौटा गीत लेखेँ

त्यै दिनदेखि बस्यौ तिमी यो मुटुको माझ

बन्दिपुरको सम्झनाले सताउँदै छ आज

सुखौरा र तिन्धारेको झारगाउँ रानीवनको

पार्चे अनि बाहुन भन्ज्याङक‍ो घुमी एक फन्को

लगाइदिने मन छ तिम्लाई शिरमा नौलो ताज

बन्दिपुरको सम्झनाले सताउँदै छ आज